Сарвар ва Комилдан тез кунда янги қўшиқ

Серқирра ижодкорлар Сарвар ва Комил мухлисларига кутилмаган туҳфалар кетма-кетлигини ошкор қилиб, қувонтирмоқда. Россия бўйлаб жонли ижродаги концерт дастури, яқиндагина суратга олинган янги лойиҳа ва янги қўшиқлар... Куни кеча улар февраль ойида навбатдаги тароналарини тақдим этишларини маълум қилишди. Тез кунда премьераси бўлиб ўтадиган композиция "Эсламадинг" деб номланган.  Беном гуруҳидан янги хитни кутаётган мухлислар учун бу мусиқий асарнинг яратилиш жараёнидан лавҳалар ҳам тақдим этилди. Маълумотларга қараганда тарона илк бор Россияда бўлиб ўтадиган концерт дастурларида премьера қилиниши режалаштирилган.