Ситора Фармоновадан янги қўшиқ премьераси

Серқирра ижодкор Ситора Фармонова куни кеча янги ижод намунаси билан мухлисларини хушнуд этди. Илк жарангидаёқ илиқ ва ижобий кутиб олинган қўшиқ  "Ҳабиба" деб номланади. Шўх оҳанглар остида куйланган қўшиқ тингловчиларни бефарқ қолдирмаслигига шубҳамиз йўқ. Композиция муаллифларига тўхталадиган бўлсак, Ситора бу қўшиқни Эльдор Қаюмов ва Ботир Алиев билан ҳамкорликда ёзган. Маълумотларга қараганда, у бир нечта лойиҳалар устида иш олиб бормақда. Тез кунларда премьералар кетма-кетлигини янги тароналар давом эттирса ажаб эмас.