АМИРА АЛИБЕКОВАДАН РАҚСГА ЧОРЛОВЧИ ВИДЕОКЛИП
Айни кунларда “Нажотимсан” деб номланган янги аудио албоми кўпчиликнинг диққат марказида бўлган хонанда Амира Алибекованинг ижодида янгиликлар бисёр.
Яқиндагина “Қани-қани” деб номланган янги шўх таронасига клип суратга олинаётганлиги хусусида хабар берган эдик. Эслатиб ўтамиз, куни-кеча мазкур қўшиқ сайтимизда ҳам премьера қилинган эди. Эндиликда айни шу рақсбоп таронага ишланган янги видеоклипни қарши олинг.
Клипмейкир Темур Примқулов режиссёрлигида тасвирга олинган клип трек ҳамда сюжетли йўналишда тайёрланган. Ундаги воқеалар ривожи жуда беғубор ҳамда илиқ муҳаббатнинг бетакрор тараннуми акс этган. Клип ғояси Наримон Григорянга тегишли.
Маълумот ўрнида айтиб ўтиш жоиз “Қани-қани” таронаси Нодир Азимов сўзи, Жасур Абдураҳмонов мусиқаси ва аранжировкаси билан тайёрланган. Марҳамат янги видеоклипдан баҳраманд бўлинг!