«Кулба» фильмининг премьера куни аниқ бўлди

Режиссёр Саид Мухторов ҳамда «Дилшоҳ медиа» кинокомпаниясининг бир йилдан ортиқ тайёргарлик натижасида суратга олинган «Кулба» фильмининг премьера куни аниқ бўлди.
Фильм премьераси Алишер Навоий номли кино саройида 27 октябрь куни бўлиб ўтади.
Фильмда Ўзбекистон халқ артистлари Убайдулла Омон, Гавҳар Зокирова, Яйра Абдуллаева, Рихси Ибрагимова, Ўзбекистон санъат арбоби Исамат Эргашев, Ўзбекистонда хизмат кўрсатган артистлар Саида Раметова, Мадина Муҳторова, Фатҳулла Маъсудов ҳамда бошқалар роль ижро қилишган.
Сценарий муаллифи Аҳрор Нурмуҳаммад, оператор Таълат Мансуров, продюсер Маҳмуд Эркабаевлардир.
«Кулба» фильмини 28 октябрьдан бошлаб юртимизнинг барча кинотеатрларида томоша қилишингиз мумкин.