Шарқ гуруҳи халқаро тинчлик кунига бағишланган ижод маҳсулини премьера қилди

21 сентябрь - Халқаро тинчлик куни бутун дунё бўйлаб нишонланади. Айнан шу куни Шарқ гуруҳи ҳам тинчлик кунига бағишланган?ўзларининг янги ижод намуналарини тақдим этишди. "Дунё" деб номланган бу қўшиқда дунёдаги ҳозирги кунда долзарб бўлиб турган сув, уруш, табиат ва ирқчилик муаммолари ҳақида куйланган. Ғоя муаллифи Сарвар Акбаров. Сўзи Нурмуҳаммад Исроилов қаламига мансуб. Мусиқаси ва аранжировкаси устида Асқар Ибрагимов иш олиб борган. Тарона учун Жамшид Хожиниёзов режиссёрлигида клип суратга олинган. Тасвирчи Жасур Шаметов. Видео асар трек ва сюжетдан иборат.