Беҳруз Тоҳиров "Ватан" қўшиғини тақдим қилди

Санъатимизнинг яна бир иқтидорли ижодкори Беҳруз Тоҳиров ҳам юртимизнинг мустақиллиги байрамига атаб қўйган туҳфасини мухлислар эътиборига ҳавола қилди. "Ватан" деб номланган мазкур ижод маҳсули халқимизга бағишланган муносиб  совғалардан бири бўлди десак янглишмаймиз. Ватанимизни қанча мадҳ этсак, шунча оз. Таърифлашга эса тил ожиз. Бироқ, бу мусиқий асарни ёзишда хонанда Беҳруз Тоҳиров ҳамкасблари сингари ўз ишининг усталарига мурожаат қилди. Қўшиқнинг сўзлари Ўзбекистон халқ шоири Иқбол Мирзо қаламига мансуб. Мусиқаси эса Миродил Ҳакимов томонидан басталанган