OAZIS гуруҳидан илк рақсбоп тарона - "Пара - парамиз"

Маҳоратли ижодкорлардан иборат бўлган ва ўз истеъдоди билан шоу-бизнес оламида ажралиб турадиган OAZIS гуруҳи ижодидаги илк рақсбоп таронани халқимиз хукмига ҳавола қилди. Юртимизнинг етакчи радиотўлқинлари орқали жаранг сочган қўшиқ "Пара - парамиз" деб номланган. Ёз фаслининг жўшқин премьераси дея эътироф этилаётган композиция Ҳамдам Собиров ва Жамшид Гаффаров билан биргаликда яратилган. Ўзига хос ва ёрқин таронага саксафон соласи янада позитив кайфият бағишлаган. Гуруҳ ижодкорлари аллақачон мусиқий асар учун видеоклип суратга олиш ишларини бошлаб юборишган.