Шоҳжаҳон Жўраевдан кутилмаган туфҳа

Халқимиз ардоғидаги хонанда, нодир овоз соҳиби Шоҳжаҳон Жўраев мухлислари учун ажойиб совға тайёрлади. У ижодини бошлаган вақтдан то бугунги кунга қадар яъни 2004 йилдан 2017 йилгача ижро этилган барча қўшиқларини битта тўпламга жамлади. Кўплаб мухлисларнинг талаб ва истакларига биноан яратилган бу альбом ўтган йилнинг октябрь ойида ўтказилган жонли ижродаги концерт дастури дисклари билан бирга сотувга чиқарилди. Тўпламдаги қўшиқларнинг ярми тингловчиларга етиб бормаган. Қолган қисми эса ўз мухлисларини топиб улгурган. Эндиликда эса Шоҳжаҳон Жўраевнинг ижодига бефарқ бўлмаган мусиқа шинавандалари, унинг барча қўшиқларидан баҳра олишлари мумкин. Хонандага омад тилаймиз ва янгиликларимизни тақдим этишда давом этамиз.