“Караван” ансамблидан янги клип премьераси

Шу кунларда радиолар орқали “Дастурхон” таронаси оммалашаётган “Караван” вокал чолғучилик ансамбли айнан мазкур қўшиққа ишланган видеоклипни тақдим этмоқда. 

Шу вақтгача халқимизнинг яхши кунларида хизмат қилган ансамбль мана энди ҳақиқий маънода эстраданинг майдонига кириб келмоқда. Равшан, Карина ва Алишердан ташкил топган гуруҳ учун “Дастурхон” номли таронанинг матнини Иброҳим Жиянов қоғозга туширган. Улуғбек Мамасолиев эса унга мусиқа басталаб, аранжировкасини тайёрлаган. 

Дилмурод Агзамов режиссёрлигида суратга олинган клип эса трек йўналишида тайёрланди. 

“Караван” ансамблидан яна бир янгилик. Гуруҳ номига монанд шу номдаги янги тарона ҳам ёзиб тугатилди. “Караван” таронаси рус тилида куйланган бўлиб, ёзнинг жазирама кунларида унга видеоклип ҳам суратга олиш мўлжалланган. Ансамбль продюссери Рустам Олимхожиев клип ғоясини тайёрлади ва бу сафар ҳам клипмейкер Дилмурод Агзамов билан ҳамкорлик қилиш мўлжалланмоқда. 

Янги ижод намунаси яқин кунларда тақдим этилади. Бизни кузатишда давом этинг...

Ҳозирча, янги қўшиқдан баҳраманд бўлинг...