Умар Шамсиев эркатойига бағишлаб қўшиқ куйлади

Хушовоз хонанда Умар Шамсиев мухлисларини хушнуд этиш ниятида  янги ижод намунаси устида иш олиб бормоқда. Хонанданинг маълум қилишича, бу туҳфа “Эркатойимсан” деб номланади. Тарона учун эса қизиқарли видеоклип ҳам суратга олинган. Маҳоратли клипмейкер Дилмурод Агзамов режиссёрлиги ҳамда Рустам Муродов операторлигида тасвирга туширилган видео асарда Умар Шамсиев бутунлай ўзгача қиёфада намоён бўлади.

Композиция Тоҳир Муҳаммад сўзи, Фурқат Бобожонов мусиқаси ва аранжировкаси билан яратилган. Яқин кунларда қўшиқ ва клипни биргаликда премьера қилишни режалаштирган хонанда янги ижод маҳсули халқимизга манзур келишидан умидвор.