Азиза Низамова ижодий кечасини ўтказади

Серқирра ижодкор, истеъдодли хонанда Азиза Низамова 29-апрель куни ижодий кечасини ўтказишини маълум қилди. Пойтахтимизда жойлашган кўнгилочар масканлардан бирида бўлиб ўтадиган мазкур тадбир мухлислар орасида бўлиб ўтиши режалаштирилган. Унда Азиза ўз мухлисларини қизиқтирган саволларига жавоб беради. Улар билан бирга севимли қўшиқларини куйлайди.

Қолаверса, шу куни унинг янги альбомининг ҳам тақдимоти бўлиб ўтади. Мусиқий тўпламдан эстрадамиз юлдузларининг қўшиқларининг  cover тури ва ўзининг муаллифлигидаги тароналар ўрин эгаллаган. Бу альбомдан биринчилар қаторида баҳраманд бўлиш имкони ҳам мавжуд. Шундай экан, хонанда барча мухлисларини мазкур кечага таклиф этиб қолади. Тақдимотдан ёрқин фоторепортаж ва қайноқ видеолавҳаларни кутиб қолинг.