“Иснод” фильмининг премьераси бўлиб ўтди

Давлат буюртмасига асосан “Ўзбекфильм” киностудияси томонидан бугунги кунда бутун жаҳонда долзарб бўлиб турган ОИТС ва одам савдосига қарши  курашиш мавзуида “Иснод” номли тўлиқ метражли бадиий фильм ишлаб чиқарилди. Кинокартина драма жанрида суратга олиниб, унда тележурналист Жамиланинг саъй-ҳаракатлари натижасидасодда қизларнинг алданиб, чет элларга сотилиб кетаётгани фош этилади. Томошабин фильм қаҳрамонларининг тақдирини кузатиш орқали инсонийлик, садофат ва ҳаққонийлик каби ҳиссиётларни англайди.

Картина Рихсивой Муҳаммаджонов муаллифлигидаги сценарий асосида, Рихсивой Муҳаммаджонов ва Абдувоҳид Ғаниев режиссёрлигида яратилган.  Унда бош ролларни Дилноза Кубаева, Шаҳзода Матчонова, Баҳора Арслонова, Раъно Шодиева, Шоҳруҳ Ҳамдамов, Феруза Мустафоевалар ижро этишган.