Сардор Раҳимхондан сирли совға

Ўзбекистонда хизмат кўрсатган артист Сардор Раҳимхон баҳор фасли кириб келиши билан мухлисларини хушнуд этмоқчи. У ўз жамоаси билан сирли совға тайёрлаётган кўринади. Бу ҳақида хонанда инстаграм ижтимоий тармоғи орқали хабар қолдирган. “Баҳорга совға билан. 6-март. Анчадан бери сақлаб қўйган сюрприз!” – дея изоҳ қолдирган Сардор Раҳимхон сўнгги кунларда жойланган суратларидан бирига.

Қизиқ, Сардор Раҳимхон яна нималарни режалаштирган экан? Кутилмаган дуэтми? Янги қўшиқми ёки клип? Балки яна бошловчиликни бошлаб юбордимикин? Хонанданинг яширган сири тез орада аён бўлса ажаб эмас.