“Кетаман дедимми, кетаман” тез кунда катта экранларда

Кинорежиссёр Иқбол Мелиқўзиев навбатдаги фильми устида олиб борилаётган ижодий ишларни деярли якунлади.  “Кетаман дедимми кетаман” номли мазкур картина тез кунда катта экранларга чиқиши маълум бўлди. Бу кинокомедияни яратишдан асосий кўзланган мақсад шуки, ёшлар ҳаёти ва уларнинг дунёқарашининг салбий ҳамда ижобий  жиҳатларини кулгу орқали кўрсатиб беришдан иборат. Фильмда бош ролларни Шаҳзода Муҳаммедова, Асқар Ҳикматов ижро қилишган. Картинада шунингдек, Матёқуб Матчонов, Ҳосият Ҳусанова, Ойша Муродова, Ҳусан Мусабоев, Жумадилла Раметов ва бошқалар иштирок этишган.

Ушбу картинани яратишда ўз ҳиссасини қўшган ижодий жамоа ҳақида тўхталадиган бўлсак, сценарий муаллифи Жаҳогир Аҳмедов. Режиссёр Иқбол Мелиқўзиев. Тасвирчи  Отажон Достонов.