Сайёраи Жаҳондан янги тарона ва клип премьераси

Иқтидорли хонанда Сайёраи Жаҳон бугун сайтимиз орқали халқимиз эътиборига ўз туҳфасини тақдим этмоқда. Бу туҳфа унинг ижодидаги навбатдаги клипи бўлиб, томошабинларга манзур келиши шубҳасиз. “Ўсма қўйиб” деб номланган қўшиқ учун яратилган видеоклип қизиқарли воқеаларга бой ва у мухлисларга яхши кайфият улашмасдан қолмайди.

Клипда хонанданинг ҳамкасблари яъни дўстлари Гулсанам Мамазоитова, Зуҳра Солиева, Дилсўз, Умидахон ва Миролим Қиличев иштирок этган.

Ёр кўнглига йўл тополмай сарсон бўлган Сайёрага дугоналарининг маслаҳати ҳам кор қилмади. Бироқ опасидек қадрдон бўлган Гулсанам Мамазоитованинг кўрсатган йўли бу масалага осонлик билан ечим топди.

Тарона ва клип муаллифларига тўхталадиган бўлсак, сўзи Нилуфар қаламига мансуб. Мусиқаси ва аранжировкаси устида Шавкат Умаров ишлаган. Клип режиссёри Шуҳрат Мавлонов. Барчангизга ёқимли томоша тилаймиз. Марҳамат кўринг ва ўз фикрларингизни билдиринг.