“Кунгабоқар” - мухлисларни қай даражада ўзига ром этади?

Кетма-кет тарона ва клиплар премьерасини намойиш этаётган истеъдодли хонанда Ҳадича бугун яна бир янги лойиҳа устида иш бошлади. У бу сафар сокин “Кунгабоқар” деб номланган янги қўшиғи учун видеоклип тасвирга олдирди. Клипмейкер Шерзод Умаров билан ҳамкорликда суратга туширилган клип сюжет ва трек жанрида.

Клипнинг сюжети пойтахтимизнинг сўлим гўшаларида суратга олинди. Унда бош ролларни актриса Юлдуз Ражабова ёш бўлишига қарамай, бор маҳоратини кўрсатган бўлажак актёр билан ижро этди.

Ўзгача сюжетни ичига олган клип мухлисларни қай даражада лол қолдирар экан? Бу саволга жавобни албатта яқин кунларда бўлиб ўтиши режалаштирилган тарона ва клип премьерасидан сўнг билиб оламиз. Ҳозирча суратга олиш майдончасидан тақдим этилган фотосуратларни томоша қилинг.