Дизайнерлар Нариман Григорян ва Лидия Андре навбатдаги либослари коллекциясининг намойишини ўтказди

22-октябрь куни пойтахтимизда жойлашган нуфузли масканлардан бирида дизайнерлар Нариман Григорян ва Лидия Андренинг навбатдаги либослари коллекциясининг намойишини бўлиб ўтди.

Ёпиқ шоу тарзда ташкиллаштирилган бу тақдимотда санъат аҳли, дизайнерларнинг ҳамкасблари, яқинлари ва ОАВ вакиллари иштирок этишди. Унда тақдим этилган ҳар икки ижодкорнинг либослари меҳмонлар томонидан ижобий фикрлар билан қарши олинди.

Спорт кийимлари йўналишидаги либослар, оқшом либослари, кундалик кийимлар намойиш қилинди. Шунингдек, ҳар бир қисм орасида маҳоратли раққос ва раққосалар ўзларининг ноодатий рақслари билан кечага янада файз улашишди.