Уммон гуруҳи сирли таронасига видеоклип тасвирга олдирди

Нафақат ёшларнинг, балки йиллар ўтиб, ўз ижоди, тинимсиз меҳнатлари билан катта-ю кичикнинг меҳрини қозонган Уммон гуруҳи вакиллари мухлислари учун ажойиб совға тайёрлашмоқда. Улар об-ҳавонинг авзойи бузуқлигига қарамай, янги видеоклипларини суратга олиш ишларини бошлаб юборишди. Ҳозирча суратга олиш ишлари жадал олиб борилаётган клип қайси қўшиқ учун яратиляпти деган савол кўпчиликни қийнаши табиий. Бироқ, гуруҳ ижодкорлари қўшиқ номини сир тутишга аҳд қилишди.

Уммон гуруҳининг маъмури қолдирган маълумотларга кўра клип сюжет жанрида бўлиб, Рауф Набиев режиссёрлигида тасвирга туширилмоқда. Оператор Рустам Муродов. Демак, тез кунда сизнинг севимли гуруҳингиздан навбатдаги видеоклип намойиши! Албатта сайтимизда биринчилар қаторида томоша қилиш имконига эга бўласиз. Шундай экан, бизни кузатишда давом этинг.