ЗИЁДАНИНГ РОМАНТИК ВИДЕОКЛИПИ

Қувноқ ва ширали овоз соҳиби, дилбар хонанда Зиёданинг “Асалим” таронасига олинган видеоклипни эътиборингизга ҳавола этамиз.

Клипмейкир Сарвар Каримов режиссёрлигида суратга олинган видеомаҳсулот трек ва сюжетли йўналишда олинган. Клип воқеаларида ёрини соғинган қиз дарди, ўй кечинмалари ифодаланган бўлиб, романтик туйғуларга жуда бой.

Клипда хонанданинг имиджи ҳам муносиб равишда талқин этилган.

Видеоклип ниҳоясида, кинтеатрнинг катта мониторида тўсатдан пайдо бўлган йигит бир зум ўтгач эшикдан кириб келиши, уни соғиниб кутган ёрига гул тутқазиши барчани лол қолдиради. Ҳатто, соғинч ҳис-туйғулари ила уни кутиб юрган қизни ҳам.

Яхшиси буларнинг барчасига, тақдим этилган видеоклипни томоша қилиб ўзингиз амин бўлинг...