Хонанда Каниза альбом тақдимотини ўтказди

Хушовоз хонанда Каниза мухлислари учун узоқ кутилган альбом тақдимотини ўтказди. Мазкур тақдимотда хонанданинг яқинлари,  дўстлари, мухлислари ҳамда ОАВ вакиллари иштирок этди.

Тадбир хонанданинг "Гўзал" қўшиғи билан бошланди. Шундан сўнг, Каниза мухлисларининг саволларига бирма-бир жавоб берди. Қолаверса, иккита альбоми ҳақида ҳам маълумотлар бериб ўтди.

Ушбу тадбирда мухлислар билан ажойиб танловлар ҳам ўтказилди ва улар эсталик совғалари ҳамда хонанданинг дисклари билан тақдирланишди. Тақдимот якунида Каниза "Ўзбегим" қўшиғини куйлаб берди.

Эндиликда сиз ҳам хонанданинг концерти дискларини ҳамда "Гўзал" номли тўртинчи мусиқий альбомини юртимиздаги савдо марказларидан ҳарид қилишингиз мумкин бўлади.