Хонанда Ҳадичанинг навбатдаги қўшиғига баҳо беринг

Ўз ижодидаги премьералар давомийлигини бир неча ойлардан бери ушлаб турган ва борган сари халқимиз ишончига кириб бораётган хонанда Ҳадича “Ўзбегим Таронаси” радиоси орқали навбатдаги қўшиғини тингловчилар ҳукмига ҳавола қилди. “Оҳ юрак” деб номланган мазкур тарона мухлислар томонидан илиқ қарши олинди. Аввал тақдим этган қўшиқларидан бироз фарқ қиладиган бу композиция халқимиз орасида оммалашиши кутилмоқда.

Ҳадичанинг сайтимизга берган маълумотларига кўра, ушбу композиция Фаррух Соҳиб билан ҳамкорликда яратилган. Шунингдек, мазкур қўшиққа видеоклип тасвирга олиш ҳам режалаштирилган. Бу ҳақида кейинги янгиликларимизда батафсил тўхталамиз. Ҳозир эса “Оҳ юрак” қўшиғини тингланг ва баҳо беринг.