“Салом севги” фильмининг намойиши бўлиб ўтди

20-февраль куни узоқ кутилган “Салом севги” картинасининг намойиши бўлиб ўтди. Улуғбек Абзалов режиссёрлигидаги картина тақдимотида ижодий гуруҳ билан бирга уларнинг яқинлари, ҳамкасблари, санъат олами вакиллари ва ОАВ ходимлари иштирок этишди. 

Премьера аньанага кўра, бадиий қисм билан бошланди.  Унда актёр ва актрисалар бирма бир таништирилди. Сўнг Улуғбек Абзалов сўзга чиқиб, ижодий жамоасига миннатдорчилик билдирди ва волидаси ҳамда бувижонига катта раҳмат айтди. Қолаверса, бошловчининг қизиқарли саволларига жавоб бериб ўтди.

Фильм намойиши бошланди. Ундаги воқеалар  ота-онасининг ёлғиз фарзанди бўлган Зилолага дадаси машина совға  қилишидан бошланади. У машина бошқараётанда, бўлажак турмуш ўртоғининг қўнғироғига жавоб бераман деб автоҳалокатга учрайди ва кўзлари ожиз бўлиб қолади. Шаҳар шовкинидан четроққа яъни қишлоққа олган Зилола  у ерда ўз бахтини учратади. Бироқ уларнинг тақдири айро эди. Сабаби... "Нима учун уларнинг тақдири айро?" - деган саволга фильмни томоша қилиб жавоб топишингиз мумкин. Шундай экан, юртимиз кинотеатрларига бориб, картинадан баҳра олинг.