Латофатли Лоладан “Овутай” қарши олинг!

Эстрадамизнинг латофатли хонандаси Лола қишнинг сўнгги ойини қизғин ижод билан ўтказмоқда. У яқиндагина “Яраланган қанот” қўшиғи учун яратилган клипни оммага тақдим этган бўлишига қарамай, бугун яна бир янги композициясини мухлислар эътиборига ҳавола қилмоқда. “Овутай” деб номланган мазкур мусиқий асар халқимизга манзур келиши шубҳасиз. Таронанинг муаллифларига тўхталадиган бўлсак, сўзи барчага “Зарба” гуруҳи орқали таниш бўлган Саман томонидан ёзилган. Жаҳонгир Толипов эса мусиқаси ва аранжировкасини амалга оширган. Демак, тингланг ва баҳо беринг.