Масрур Усмоновнинг концерт дастуридан баҳраманд бўлинг
2014 йилнинг 28-29 ноябрь кунлари муҳташам "Истиқлол" санъат саройида бўлиб ўтган хушовоз хонанда Масрур Усмоновнинг "Ёдингдаму" деб номланган илк яккахон концерт дастурига ташриф буюрган мухлислар дастурнинг нечоғлик муваффақиятли ўтганидан хабардорлар. Концертга келолмаганлар эса сайтимиз орқали дастур тафсилотлари билан тўлиқ танишиб, махсус фоторепортаж орқали таъассуротлардан воқиф бўлганлар.
Эндиликда Масрур Усмоновнинг концерт дастурини сайтимиз орқали ҳам томоша қилиб, баҳраманд бўлиш имкониятига эгасиз. Янги тароналар, қалбга яқин қўшиқлар, ёқимли рақслар ва ажойиб катта дастур намойиши ҳордиқ онларингизга завқ бағишлайди, десак муболаға бўлмас.
Маълумот ўрнида айтиб ўтишимиз лозим, дастур режиссёри Нигора Саидалихўжаева бўлиб, хонанданинг либослари устида дизайнер Комил Исакжанов иш олиб борган экан. Концертда Карима Узоқова бошчилигидаги ''Тошкент зеболари'' дастаси раққосалари ўзига хос рақслари билан хушнудлик улашишган. Декорацияларни эса Баҳодир Тонготаров яратган.
Марҳамат, севимли хонандангизнинг илк яккахон концерт дастурини томоша қилиб, баҳра олинг.