Алишер Файзнинг концерти кунлари маълум бўлди

Ўзбекистонда хизмат кўрсатган артист Алишер Файз ҳар йилги анъанага мувофиқ, май ойида ўзининг навбатдаги концерт дастурини муҳташам “Истиқлол” санъат саройида халқимизга тақдим этади. 17-майдан 22-майга қадар давом этадиган мазкур концерт дастури “Севги ҳикмати” деб номланди. Хонанданинг ушбу дастурида мухлисларни кутилмаган совғалар, дилга яқин тароналар, энг асосийси йил давомида кутилган дийдор кутмоқда. Айни дамда яккахон концерт дастурига тайёргарлик ишларини бошлаб юборган Алишер Файзга омад тилаймиз ва янгиликни кузатишда давом этамиз.