Бетакрор Райҳондан янги видеоклип тез кунда “Жавоб бер”

Эстрадамизнинг беқиёс юлдузи Райҳон ваъдага мувофиқ, яқиндагина премьера қилинган “Жавоб бер” таронасига видеоклип тасвирга тушириш ишларини бошлаб юборди. 

Серқирра ижодкорлар Сарвар ва Комил билан ҳамкорликда яратилган мазкур қўшиқ қисқа фурсатда ўз тингловчиларини топиб улгурди. Маромига етказиб ижро этилган композициянинг видео асарига клипмейкер Ёдгор Носиров режиссёрлик қилмоқда. Клипнинг бош ролларидан бирида  маҳоратли актёр Адиз Ражабовни кўришингиз мумкин.

Айни дамда суратга олиш жараёни қизғин кечмоқда. Тез кунда ушбу ижод маҳсулини сайтимиз орқали биринчилар қаторида томоша қилиш имконига эга бўласиз. Шундай экан биздан йироқлашманг ва янгиликлардан биринчилар қаторида баҳраманд бўлинг.