Тарихий эртак – “Ойқиз эртаги”
Ҳозирги кунда “Ўзбеккино” Миллий агентлиги буюртмасига асосан “Ўзбекфильм” киностудияси томонидан суратга олинаётган “Ойқиз эртаги” бадиий фильмини ишлаб чиқариш жараёни айни қизғин паллага кирган. Фильм қизиқарли афсона ва ривоятларга асосланган бўлиб, унда Ватанни севиш, унинг дахлсизлигини кўз қорачиғидек асраб-авайлаш, мардлик, ҳалоллик сингари эзгу ғоялар акс эттирилган.
“Ойқиз эртаги” бадиий фильмининг сценарийси Муҳаммад Давлатиллоҳ ва Акбар Бектурдиев қаламига мансуб, постановкачи режиссёр Акбар Бектурдиев, постановкачи рассом Акмал Саидов. Фильмда Ҳайрулла Саъдиев, Маъруф Отажонов, Йигитали Мамажонов, Юлдуз Ражабова каби таниқли ва ёш актёрлар суратга тушишмоқда.
Қуйидаги сўнгги йилларда мамлакатимизда илк бора суратга олинган тарихий эртак мавзусидаги “Ойқиз эртаги” фильмининг трейлерини томоша қилишингиз мумкин.
“Ойқиз эртаги” бадиий фильми ва унинг тақдимотига оид батафсил маълумотларни сайтимизда кузатиб боринг.
