Муниса Ризаева телба аёл образида

Аввал хабар берганимиздек, Муниса Ризаева айни дамда кўплаб мухлисларнинг севимли қўшиғига айланган “Юрак” таронасига видеоклип суратга олишни режалаштирган эди. Унга кўра клип тасвирга туширилди. 

Мазкур жараён бир неча кун давом этди ва унинг асосий қисми Тошкент вилоятида жойлашган “Сўқоқ” қишлоғида бўлиб ўтди.  Дилмурод Агзамов режиссёрлигида яратилаётган клипда операторлик вазифасини Иззат Лутфуллаев бажарди.

 

Мунисанинг мазкур клипдаги образи Ҳилола Шер билан ҳамкорликда яратилди. Клип сюжет ва трек жанрида бўлиб, унда хонанда телба аёл образида намоён бўлади.  Мазкур видеоклипни тасвирга олиш жараёнидан тақдим этилган фотосуратлардан баҳраманд бўлинг ва клипни кутиб қолинг.