“Бахт ортидаги дард” фильмининг намойиши бўлиб ўтди

Куни кеча пойтахтимизда жойлашган “Алишер Навоий” номли киносаройида узоқ кутилган “Бахт ортидаги дард” картинасининг намойиши бўлиб ўтди. Мазкур тақдимотда кино ихлосмандлари, ОАВ вакиллари ва ижодкорларнинг яқин дўстлари, ҳамкасблари иштирок этишди.  Картина тақдимоти серқирра ижодкор Аҳaд Қаюм олиб борди.

 

“Бахт ортидаги дард” фильмининг иштирокчилари анъанага мувофиқ саҳнага таклиф этилди. Картина режиссёри Шуҳрат Мавлонов ижодий жамоанинг ҳар бир иштирокчиси билан алоҳида таништириб ўтди. Картининг яратилишида ҳисса қўшган ижодкорларга ташаккурлар исҳор этди. Ана ундан сўнг, фильмнинг бош қаҳрамонлари Шароф Муқимов ҳамда Севинч Мўминова дуэт тароналари билан томошабинларни хушнуд этишди. Шундан сўнг узоқ кутилган картина намойиши бошланди.

Фильм ҳақиқатдан ҳам тарбиявий аҳамиятга эга. Воқеалар ривожи томошабинни бефарқ қолдирмайди. Кино асарнинг бош қаҳрамонлари ҳам ўз образларини маромига етказиб ижро этишган.

Минг бор гапиргандан кўра бир бор кўрган афзал деганларидек, мазкур картинани томоша қилишга барчангизни чорлаб қоламиз. 12-ноябрдан юртимиз кинотеатрларига ташриф буюриб фильмдан баҳраманд бўлишингиз мумкин. 

Эслатиб ўтамиз, мелодрамма жанрида тасвирга олинган бу кинокартина ҳаётий воқеаларга асосланган. Тарбиявий аҳамиятга эга ушбу ижод маҳсули томошабинларни бефарқ қолдирмаслиги аниқ. Шуҳрат Мавлонов режиссёрлигида суратга олинган “Бахт ортидаги дард” картинасида Шароф Муқимов ва Севинч Мўминовадан ташқари, Убайдулла Омон, Лутфулла Саъдуллаев, Гулчеҳра Саъдуллаева, Санжар Шодиев, Зуҳра Солиева каби халқимиз меҳрини қозонган актёр ва актрисалар бетакрор образларни яратишган. Шунингдек, ёш ижодкорлар Муслимбек Йўлдошев, Сайфиддин Мелиев, Музаффар Шамсиддиновлар ҳам иштирок этишган.