Сардор Мамадалиев "Отанг ризо бўлмаса" қўшиғининг клипини тақдим қилди

Аввалги хабарларимизда хонанда Сардор Мамадалиев янги видеоклип устида иш олиб бораётгани ҳақида маълум қилган эдик. Бир неча кун олдин эса мазкур тарона мухлисларга ҳавола қилинган эди. Ваъдага мувофиқ мазкур қўшиқнинг клипи тайёр бўлди ва томошабинлар ҳукмига намойиш қилинди. Ўта таъсирли ва тарбиявий аҳамияти катта бўлган ушбу клип, ҳар бир санъат шинавандалари қалбини ларзага келтиради. Шуҳрат Мавлонов режиссёрлигида яратилган видео асарда бош ролларни элимизнинг севимли санъаткори Убайдулло Омон ва Жавоҳир Зокиров ижро қилган.