Далердан янги видеоклип тез кунда

Ёш бўлишига қарамай, кўпгина ютуқларга эришган, ўзининг ёқимли тароналари билан катта-ю кичик мухлисларнинг қалбидан жой эгаллаб келаётган хонанда Далер “Ўйнайсан” деб номланган таронасига видеоклип суратга олдирди. Бир кун давомида тасвирга туширилган клип трек жанрида бўлиб, режиссёр Жамшид Ҳожиниёзов. Оператор эса Жасур Шаметов. 

Мазкур видеоклипда Далер 3 хил образда намоён бўлади. Шунингдек, миллий ва замонавий рақслар эса “Тановар” рақс ансамбли  томонидан амалга оширилган. Ўйлаймизки, видео асар мухлисларга манзур келади. Ҳозирча кузатишда двом этамиз.

Эслатиб ўтамиз, Далер ижросидаги янги мусиқий асарнинг сўзи ва мусиқаси Шуҳрат Умарга тегишли. Аранжировкасини эса Жасур Бадалбоев амалга оширган.