Сардор Мамадалиевдан янги видеоклип тез кунда

Яқиндагина сайтимиз орқали “Йигит ноласи” номли таронасини тақдим этган Сардор Мамадалиев, мазкур қўшиғига видеоклип суратга олиш ишларини бошлаб юборди. Трек жанрида тасвирга туширилган мусиқий асарнинг видеоклипи хонанданинг доимий ҳамкорлари “9999” студияси клипмейкерлари Хуршид ҳамда Нодир Собиров томонидан яратилмоқда. Яккахон концерт дастурига қизғин тайёргарлик олиб бораётган бир пайтда Сардор Мамадалиев мухлислари учун янги қўшиқ ва клипларни тақдим этишни канда қилмаяпти. Ўйлаймизки, мазкур видеоклип ҳам халқимиз кўнглидан муносиб жой эгаллайди.

 

Эслатиб ўтамиз, “Йигит ноласи” таронасининг сўзи Маҳмуд Тоир қаламига мансуб. Мусиқаси эса Сардор Мамадалиев томонидан басталанган. Аранжировкаси устида Шерзод Озодов иш олиб борган.