Отабек Муталҳўжаевдан янги видеоклип “Baby good bye” тез кунда

Ижодий изланишда давом этаётган хонанда Отабек Муталхўжаевнинг “Baby good bye” деб номланган  таронасига клип суратга олинди. Клипнинг сюжети Россиянинг Москва шаҳрида тасвирга туширилди. Треки эса Тошкентдаги павильонлардан бирида суратга олинди. Отабек бу сафар диджей образида гавдаланди. 

Шўх ва ёшларбоп таронанинг клипини клипмейкер Шуҳрат Мавлонов суратга олди. Клипдаги бош роллардан бирини профессионал модель ижро этди. Қўшиқнинг сўзи ва мусиқаси муаллифи Отабек Муталҳўжаевга тегишли. “Baby good bye” таронасининг мусиқий сайқали  устида эса Темур Раҳмонов ишлаган. Тез кунда мазкур клип сайтимиз орқали тақдим этилади. Ҳозир эса суратга олиш жараёни тасвирланган фотосуратлардан баҳраманд бўлинг.