Узоқ кутилган видеоклип премьераси “Санамжон”
Ўзбекистонда хизмат кўрсатган артист Сардор Раҳимхоннинг, аллақачон мухлислар қалбидан жой эгаллаган ҳамда хит қўшиқлар қаторидан қисқа фурсат ичида ўрин олган “Санамжон” композициясига, клипмейкер Дилмурод Агзамов режиссёрлигида видеоклип яратилаётгани ҳақида хабар берган эдик.
Бугунги кунга келиб узоқ кутилган мазкур видео асар тайёр ҳолатга келди ва сайтимиз орқали халқимиз ҳукмига ҳавола этилмоқда. Мелодрамма жанрида тасвирга олинган клипда бош ролларни маҳоратли актёр Бобур Йўлдошев ҳамда латофатли актриса Асал Шодиева ижро этган.
Нигоҳинг тафтидан битсам баётим
Кўзингга термулиб ўтса ҳаётим.
Сен жоним дегандинг, жонимни олдинг
Сўнмас баҳорни қалбимга солдинг...
Клипни томоша қилар экансиз, ундаги воқеалар сизни бефарқ қолдирмайди. “Санамжон” таронаси илк янграганидаёқ ўз тингловчиларига эга бўлган эди. Вақт ўтиб, мухлисларнинг энг севимли ва талабгор қўшиқлар қаторидан ўрин эгаллади. Видеоклипидан сўнг халқимиз қалбидан янаям чуқурроқ жой эгаллаши аниқ. Сўзимизнинг исботи сифатида клипни томоша қилишга барчангизни чорлаймиз ва фикр-мулоҳазаларингизни кутиб қоламиз.