Шарқ гуруҳи янги видеоклип суратга олдирмоқда

Айни дамда апрель ойида бўлиб ўтадиган илк яккахон концерт дастурига катта тайёргарлик кўраётган Шарқ гуруҳи, “Айтаман” деб номланган қўшиғи учун видеоклип суратга олишни бошлади. Маълумки, тарона яқиндагина  радиотўлқинлар орқали тақдим қилинган эди. Қисқа фурсатда мухлислар орасида оммалашишга улгурган бу мусиқий асар, клипидан сўнг, талабгор тароналар қаторидан  мустаҳкам ўрин эгаллаши тайин. Клип, “ Shoxona Creative Group” жамоаси билан ҳамкорликда тасвирга олинмоқда.

Маълумотларга қараганда, унда қўшиқ муаллифи Карен Гафуржанов ҳам иштирок этмоқда. Концерт олди мухлисларига кутилмаган совғалар ҳозирлаётган Шарқ гуруҳига омад тилаб, янги клип премьерасини кутиб қоламиз.