Ягонанинг олмаси Жавлон Шодмоновга насиб этдими?

Санъатимизда ўз ўрни ва йўналишига эга бўлган, ўзининг ноодатий ва кутилмаган ижод маҳсуллари билан халқимиз қалбидан жой эгаллаб келаётган Ягона яқиндагина сайтимиз орқали тақдим этган “Олма” таронасига видеоклип суратга олдирди. Мазкур клип Сардор Аҳмедов билан ҳамкорликда суратга олинди.

 

Шўх ва рақсбоп қўшиққа мос равишда ишланган видео асарда Ягонани келин образида кўришингиз мумкин. Хонанда бу образни яратишда Лидия Андре билан ҳамкорлик қилди. Шунингдек Жавлон Шодмонов ҳам бош роллардан бирини ижро этмоқда. Тез кунда ушбу сюжетни томоша қилиб ўзингиз клипга баҳо беришингиз мумкин. Ҳозир эса суратга олиш майдончасидан энг қайноқ ва ёрқин суратларни тақдим этамиз.

Эслатиб ўтамиз, “Олма” деб номланган мазкур мусиқий асарнинг матни Нодир Азимовга, мусиқа ва аранжировкаси Темур Раҳматовга тегишли.