Жасур Умировнинг кабутари
Шоу-бизнес оламида ноодатий йўналишга эга бўлган хушовоз хонанда Жасур Умиров қизғин ижод палласида. Айни дамда у мухлислари учун бир қатор композиция ва клиплар устида ишламоқда. Улардан бири деярли тайёр. “Кабутарим” деб номланган мазкур тарона хонанданинг ижодида навбатдаги хит тарона бўлиши кутилмоқда.
Зафар Қодиров сўзи ва мусиқаси билан яратилган бу қўшиқнинг аранжировкасини Темур Раҳмонов амалга оширган. Жасур Умиров ушбу мусиқий асарга Наримон Султонхўжаев билан ҳамкорликда видеоклип тасвирга олди ва суратга олиш жараёнидан қизиқарли фотосуратларни тақдим этди.
Бу ҳали ҳаммаси эмас. Хонанда жорий йилнинг декабрь ойида ўтказилиши режалаштирилган яккахон концерт дастурига тайёргарлик ишларини ҳам бошлаб юборган. Шунингдек, мазкур дастурида мухлисларига янги альбом тақдим этиш ниятида. Айни дамда альбомни ёзиш ишлари устида ҳам қизғин жараён кетмоқда.
