Инстаграмда нима гап?
Биламизки, инстаграм ижтимоий тармоқлар ичида энг илғори. Биз у орқали ҳар қандай янгиликдан биринчи бўлиб хабар топамиз. Санъат олами вакиллари билан мухлисларни боғлайдиган энг қисқа кўприкка айланган инстаграм оламида шу кеча – кундузда нима гап, биргаликда кузатамиз!
Хонанда Рухшона она бўлди
Ёш бўлишига қарамай кўпгина ютуқларга эришган, ўзининг дилторлар қўшиқлари билан халқимиз назарига тушган хонанда истеъдодли клипмейкер Санжар Маткаримов билан турмуш қуришган эди. Орадан бир ўтиб Рухшона оналик бахтига муяссар бўлди. Энг яхши тилаклар билан биз икки ижодкорга қиз фарзанд муборак бўлсин деймиз!
Уммон гуруҳи солистларидан бири бўйдоқлар сафини тарк этди
Ёшларнинг севимли ижодкорларидан ташкил топган Уммон гуруҳи вакили Жасур бўйдоқлар сафини тарк этди. Икки ёшни қутлашга барча яқин дўстлари, ҳамкасблари тўйга ташриф буюуришди. Энди навбат кимга? Шохрух отни қамчилайдими ёки Зоҳид? Кузатишда давом этамиз.
Зиёдадан тез кунда янги туҳфа
Аълумотларга қараганда Ўзбекистонда хизмат кўрсатган артист Зиёда янги тарона ва видеоклип устида иш олиб бормоқда. Айни дамда тасвирга олиш ишлари якунланган. Айтишларича видеоклип қаҳрамони Асал Шодиева.
Шаҳзодадан олтин кузда олтин хит
Ўзбек эстрадасининг ёрқин юлдузи мафтункор Шаҳзода янги тарона устида иш олиб бораётгани ҳақида ўзининг инстаграмдаги саҳифасида маълумот бермоқда. Яратилаётган тарона олтин кузга ҳамоҳангми ёки ундан баҳор нафаси келадими? Буни тез орада билиб оламиз!Эслатиб ўтамиз, хонанда илк бор юртимизда суратга олинган катта ҳажмли “Меҳмонхона” телесериали учун саундтрек куйлаган ва тез кунда мухлислар эътиборига ҳавола этилади.