Муниса Ризаевадан ижодий янгиликлар
Айни дамда октябрь ойида ўтказилиши режалаштирилган яккахон концерт дастурига қизғин тайёргарлик олиб бораётган хонанда Муниса Ризаева бир қатор янгиликлар устида иш олиб бормоқда. Янги тарона ва видеоклиплар яратиш билан бирга жонли ижро устида алоҳида тайёргарлик кўрмоқда.
Муниса Ризаеванинг матбуот котиби Иброҳим Аҳмедовнинг сўзларига қараганда кутилаётган концерт дастури ўзбек шоу-бизнеси оламида шу кунга қадар бўлиб ўтган дастурларидан буткул фарқ қилади. Декорациядан тортиб дастурнинг сценарийсигача бошқа концертларни такрорламайди.
Бир сўз билан айтганда ҳақиқий Мега шоу тақдим этилади. Айни дамда Муниса Ризаева раққослар ўртасида кастинг эълон қилган. 4-август куни Ёшлар марказида ўтказиладиган мазкур кастингда профессионал ва хореографияга мутаносиб, истеъдодли ҳамда тажрибали раққослар иштирок этишлари, ўз маҳоратларини намоён этиб, свимли хонандаларининг концерт дастурида қатнашиш учун имкониятни қўлга киритишлари мумкин. Бундан ташқари хонанданинг янги тарона ва видеоклиплари премьерасининг кетма кетлигига тез кунда старт берилади. Демак, бизни кузатишда давом этинг ва янгиликлардан биринчилар қаторида баҳраманд бўлинг.