Завқли радио "Ўзбегим таронаси" бугун 15 ёшда

Бугун энг қувноқ ва завқли радио, дея таъриф этиладиган "Ўзбегим таронаси" радиосининг 15 йиллиги нишонланмоқда. Бир жамоа, бир оила бўлиб ижод қилаётган ҳар бир радиобошловчидан тортиб, техник ходимларгача бугунги байрамни муносиб равишда ўтказишмоқда. Таниқли эстрада юлдузлари, радионинг азиз мухлислари ташрифи эса байрамга янада файз киритмоқда. Жонли эфирда ўз табрикларини йўллаш мақсадида келган хонандаларнинг бошловчилар билан қизиқарли ва қувоноқ суҳбатидан тингловчилар ҳам баҳраманд бўлишмоқда. Совғалар, мухлислар томонидан юборилган гулдасталар, байрам ширинликлари байрамона қайфиятдаги ҳар бир ижодкорга шодлик бағишламоқда.  Фм 101.0 тўқини ижодкорлари ва тингловчиларини бугунги айём билан чин юракдан муборакбод этамиз!