“Эртанги кун бизники- марра бизники”
Куни кеча “Туркистон” санъат саройида “Эртанги кун бизники- марра бизники” деб номланган фестиваль бўлиб ўтди. Тадбирни ёш ва истеъдодли ижодкорлар Ойхон ва Машхурбек олиб боришди. Энг аввало катта мониторда “Фестиваль кундалиги” намойиш этилди. Тадбирни олий ва ўрта махсус таълим вазирлиги бошқарма бошлиғи Камилов Музаффар Муродович ҳамда Марказий кенгаш раиси Ғаниев Баходир Мухторович очиб берди.
Шундан сўнг ғолибларни тақдирлаш маросими бўлиб уларга уяли алоқа воситалари ва планшетлар тақдим этилди. Ана ундан кейин тадбирнинг бадиий қисмига навбат берилди. Уни “Ниҳол” мукофоти совриндори Жасур Мирсагатов бошлаб хонандалар Равшан Собиров, Улуғбек Рахматуллаев, операчилар Феруза Аджиметова ва Нодир Юсупов, “Ниҳол” мукофоти совриндори Ўктам Хакимов, иллюзанист Дмитрий Полековлар тақдимот маросимига янада файз қўшишди.
