Юлдузли Футбол шоу 2015! Тайёргарлик жараёнлари авжида!
Бугунги кунда юртимиз бўйлаб бир қатор тадбирлар амалга ошириб келинмоқда. Бунинг яққол мисоли сифатида «Биз буюк юрт фарзандларимиз» шиори остида ўтказилган ёшлар фестивалини келтиришимиз мумкин. Республикамиз миқёсида ўтказилган бу фестивалда қатнашган ҳар бир иштирокчининг қалбида ўзгача ватан ҳиссини уйғонди.
Ана шу каби тадбирлар яна давомланмоқда. Улардан бири «Камолот» ёшлар ижтимоий ҳаракати бошчилигида, Маданият ва спорт ишлари вазирлиги, «Ўзбекнаво» Эстрада бирлашмаси, «Ўзбеккино» миллий агентлиги, «Ўзбектеатр» ижодий ишлаб чиқариш бирлашмаси томонидан 26- июнь халқаро гиёҳвандликка қарши курашиш куни муносабати билан «Биз гиёҳвандликка қаршимиз» шиори остида юлдузлар иштирокидаги футбол шоусидир.
Мазкур футбол шоуда ўзбек эстрадасининг ёрқин намоёндалари, хонандалар, актёрлар, қизиқчилар ва «Камолот» ёшлар ижтимоий ҳаракатининг етакчи вакиллари қатнашишади ва улар футбол соҳасида ўз маҳоратларини ишга солиб, майдонга тушишади. 22-июнь куни ўтказилиши режалаштирилган ва аллақачон тайёргарлик ишлари бошлаб юборилган.
"Футбол шоу"да Хонандалар жамоасига қарши актёрлар жамоаси ўйин олиб боради. Яна бир маълумот "Футбол шоу"нинг сценарийси Нозим Жумаев ҳамда Comedy Uz резидентлари томонидан ёзилган бўлиб, сизга олиб борилаётган тайёргарлик жараёнидан бир қатор фотосуратларни тақдим этамиз. Шунингдек, сайтимиз орқали "Футбол шоу"нинг натижалари билан биринчилар қаторида танишишингиз мумкин. Биздан йироқлашманг ва кузатишда давом этинг!
