Феруза Эгамовадан “Ватан бу” клип премьераси
Ижодини бошлаганига жуда кўп вақт бўлмаган бўлса-да, ўзига хос мухлислар аудиториясига эга бўлишга улгурган истеъдод соҳибаси Феруза Эгамова қизғин ижод билан банд. Бугун эътиборингизга тақдим этилаётган янги видеоклип ҳам хонанданинг ижодий янгиликларидан биридир. Ўз ишининг устаси бўлган профессионал ижодкорлар билан ҳамкорлик қилаётган Феруза Эгамова Ватанни тараннум этувчи “Ватан бу” номли қўшиқни ижро этди.
Дилшод Аҳмадшоҳ ғояси ва шеъри билан яратилган тарона учун Нодир Умаров мусиқа басталаган.
Ватан ҳақида энг гўзал ва самимий сўзлар жой олган тароналар деярли барча хонандалар репертуарида учрайди. Ҳар бири ўзига хос ёқимли ва қалбга ғурур бағишлайди.
“Ватан бу” номли янги тарона учун “Орзу” студияси томонидан суратга олинган видеоклипни томоша қилинг ва завқланинг.