Тоҳир Усмоновдан мухлислари учун узоқ кутилган туҳфа
Ёш ва истеъдодли хонанда Тоҳир Усмонов шу вақтгача анчагина мухлислар қалбидан жой олиб, қўшиқлари билан дилларни хушнуд этиб келмоқда.
Тоҳир Усмонов мухлислари орасида ёшлар аксарият қисмини ташкил этса-да, катта ёшлилар ўртасида ҳам анча оммалашишга улгурган. Бугун хонанда ижодидаги навбатдаги таронани ва клипни тақдим этди. Айтиш керак, бу қўшиқ ва клип мухлислар томонидан интиқиб кутилган.
"Бас қил" дея аталган тарона "Ўзбегим Таронаси" радиоси орқали илк бора жаранг сочди. Бу қўшиқни ёзишда Тоҳир Усмонов истеъдодли ижодкор Бобур Умаров билан ҳамкорлик қилган. Ўзига хос шўх йўналишдаги тарона тингловчиларнинг олқишларига эриша олди. Бир вақтнинг ўзида сайтимиз орқали мазкур тарона учун ишланган видеоклипни ҳам қарши оласиз!
Дилмурод Турдибоев режиссёрлигида тасвирга олинган клип тарона каби жўшқин кайфият баҳш эта олади. Марҳамат, томоша қилинг ва завқланинг!