Бугунги кунда Моҳим нималар билан банд?

Ёш бўлишига қарамай ўзининг дилтортар тароналари билан мухлислар қалбидан жой эгаллаб келаётган хонанда Моҳим айни дамда қизғин ижод уммонига шўнғиган. Янги тарона ва видеоклиплар билан бирга у ўзининг иккинчи альбоми устида иш олиб бормоқда. Мазкур альбом  деярли тайёр. Ҳозирда уни қайси қўшиғининг номи билан аташ борасида бош қотирмоқда.

 

Шунингдек  Моҳим “Сенсиз” деб номланган янги таронаси ва унга ишланган видеоклипни ҳам мухлислар эътиборига тақдим этишга шай турибди. Тез кунда радиотўлқинларимиз узра жаранг сочиши кутилаётган мазкур композиция ўйлаймизки мухлисларга манзур келади. Шундай экан, бизни кузатишда давом этинг ва янгиликлардан биринчилар қаторида хабардор бўлинг.