Ёшлар ўртасидаги муносабатлар акс этган ''Тилимдамас дилимда'' кинокартинаси тез кунда киномухлислар эътиборига ҳавола этилади

Яқин кунларда катта экранларга чиқиши кутилаётган ''Тилимдамас дилимда'' номли янги кинокартина ёш ижодкор Суръат Исломов режиссёрлигида тасвирга олинди. Айни вақтда овозлаштириш ишлари олиб борилаётган мазкур фильм режиссёрнинг навбатдаги учинчи иши. ("Тўйдан қочганлар'', "Севги овчилари'') ''Тилимдамас дилимда'' фильмида Муҳаммадали Наврўзов, Феруза Эрматова, Нозим Тўлахўжаев, Нодира Махмудова, Малика Тоирова каби актриса ва актёрлар иширок этишган. Операторлик вазифасини Элмурод Йўлдошев бажарган. 

 

Фильмнинг асосй ғояси ота-онага бўлган ҳурмат, оилавий муаммолар, ёшлар ўртасидаги муносабатлар акс этади.

 

Энг аҳамиятли жиҳати шундаки, суратга олиш жараёнида жангари сахналарни каскадёрлар эмас айнан актёрларнинг ўзлари бажаришган. Турли ҳил таҳликали вазиятлардан қўрқмасдан ўта олган актёрларнинг маҳоратига қоил қолса бўлади. Қизикарли сюжетларга бой янги фильмни тез кунларда кинотеатрларда томоша қиласиз.