"Popcorn" журналининг навбатдаги сонини қўлга киритишга шошилинг!
Сайтимиз билан бир ҳил номдаги ва шоу-бизнес оламида яхши таниш бўлган "Popcorn" журналининг навбатдаги сони куни кеча чоп этилиб, бугундан журналнинг янги сонини қўлга киритишингиз мумкин.
Февраль ойидаги тақдим этилган энг ёрқин концерт дастурларидан батафсил репортажлар сизни бефарқ қолдирмаслиги аниқ. Шоҳруҳхон, Райҳон каби машҳур хонандаларнинг концертидан олинган ёрқин фотосуратлар эътиборингизга ҳавола этилган.
Кино оламидаги энг сўнгги янгиликлар ва премьералар ҳақида ҳам журналда маълумот олишингиз мумкин. Дунё бўйича барчанинг нигоҳида ва эътиборида бўлган "Оскар" тақдимот маросими ҳақидаги саҳифа эса ғолиблар билан танишиши имкониятини беради.
Муниса Ризаеванинг мухлислари севимли хонандасини ўзгача образда кўришни истасалар, журналнинг постерига назар солишлари тавсия этилади. Миллийлик нафаси ила яратилган фотосурат баҳор фасли каби нафислик баҳш этади.
Лола ва Dj Piligrim нинг шов-шувларга сабаб бўлган "Юлдуз" номли дуэтини анимация кўринишда кўришни истайсизми? Унда "Popcorn" журналининг янги сонини қўлга киритишга шошилинг! Бундан ташқари, журналнинг қизиқарли саҳифалари орқали турли ҳилдаги маълумотларга эга бўлишингиз аниқ.
