Жасур Ғоиповдан ўткир сюжетли клипни қарши олинг!
Кўплаб мухлисларнинг талаб ва таклифларига биноан Жасур Ғоиповнинг "Вақт" таронасига ишланган видеоклип ваъдага мувофиқ март ойининг 10-санасида сайтимиз орқали тақдим этилмоқда.
"Вақт" видеоклипини тайёрлашда бир қатор маҳоратли ва профессионал ижодкорлар биргаликд меҳнат қилишди.
Хусусан, клип Санжар Маткаримов муаллифлигида ва режиссёрлигида суратга олинган. Яна бир истеъдодли ижодкор Мансур Васати иккинчи режиссёр вазифасини бажарган. Жаҳонгир Ибрагимов оператор сифатида иш олиб борган клипда Ҳилола Шер ҳам либослар бўйича ўз ҳиссасини қўшган.
Айтиш керак, ноодатий сюжетдаги видеода бир қатор актёрлар ҳам иштирок этган бўлиб, айниқса, Акбархўжа Расуловнинг ижроси томошабинни лол қолдириши аниқ.
Инсоний ҳислатлар, ички ҳиссиётлар ва виждон азоби асосий мавзу сифатида танланган бўлиб, сюжет таъсирчан руҳда яратилган. Кутилмаган воқеалар ечими эса томошабинни ўйлантириши табиий. Клипни томоша қилгач, бунга ўзингиз амин бўласиз!