Жасур Умиров актёрликка даъвогарлик қилиши мумкин

Жасур Умиров яратган қўшиқлар ва клиплар шов-шувларга сабаб бўлиб, яқинда тақдим этилган яккахон концерт дастури ҳам омадли тарзда ўтганди.

Жасур Умиров маҳоратли хонанда сифатида доимо турли тадбирлар, концерт дастурларида иштирок этади. Бу борада албатта, унга ижодий жамоаси ҳамроҳлик қилади.

Бу сафар унинг маъмури ва севган инсони хонандага хиёнат қилишди. Буни билиб қолган Жасур Умировнинг аҳволини тасаввур қила оласизми? 

Яхшиси бу воқеага ўзингиз шахсан гувоҳи бўлишингиз мумкин. “Атиргул” таронасига ишланган видеоклип мазкур воқеани тасвирлайди.

Маҳоратли клипмейкер Тимур Примқулов билан ҳамкорликда тайёрланган ижод намунаси юқори сифатдаги тасвирлари ва қизиқарли сюжети билан томошабин эътиборини торта олади.

 

Мазкур клипдан сиз ҳам баҳраманд бўлинг ва унга муносиб баҳо беринг!