“Тушларимга киринг Отажон”... Клип жараёнлари

Ўзбекистонда хизмат кўрсатган артист Сардор Раҳимхоннинг “Тушларимга киринг Отажон” таронаси премьера этилганидан сўнг бу қўшиқнинг талабгорлари анча кўпайди. Ҳаёти ва ижодидан катта ўрин эгаллаган мазкур таронани янада жонлантириш мақсадида унга клип суратга олдиришни мақсад қилган хонанда бош қаҳрамоннинг болалигини гавдалантирувчи актёр учун кастинг эълон қилди ва вақт ўтиб кастингда мазкур роль учун ёш актёр Лазизхон Равшанзода тасдиқланди.

 

 

Айни кунларда суратга олиш ишлари якунланиб, монтаж жараёнлари олиб борилаётган видеоклипга Санжар Маткаримов режиссёрлик қилган, Наримон Султонҳўжаев эса операторлик вазифасини бажарган.

 

 

Ёдингизда бўлса Сардор Раҳимхоннинг “Отажон” номли қўшиғи учун ишланган клипда бош қаҳрамон образида гавдаланган Бекзод Муҳаммадкаримов, бу сафар ҳам янги қўшиқ ва клип мавзуси унга манзур келгани учун ота образига розилик билдирди.

 

 

Об-ҳаво ўзгариши туфайли бир неча кунларга сурилган тасвирга олиш ишлари икки ҳафта давом этди. Сюжет жиҳатидан ўта таъсирчан, ҳар бир инсоннинг ҳаётида ота-онанинг азиз эканини ҳис эттирадиган мавзуни қамраган мазкур видеоклип баҳорнинг илк кунларида премьера этилади. Ўтказиб юборманг.